زانكۆی چه‌رموو: له‌ وۆركشۆپێكدا ئەنجامى دوو توێژینەوەی زانستیی لەسەر پرۆسەى بۆڵۆنیا لە زانکۆکانى کوردستان خرایه‌ڕوو

posted Apr 24, 2022, 10:58 AM by Pshtiwan Faraj Mohammed

زانكۆی چه‌رموو: له‌ وۆركشۆپێكدا ئەنجامى دوو توێژینەوەی زانستیی لەسەر پرۆسەى بۆڵۆنیا لە زانکۆکانى کوردستان خرایه‌ڕوو


 ڕۆژی یه‌كشه‌ممه‌ ڕێكه‌وتی  24-4-2022 به‌ئاماده‌بوونی پ. ی. د. عه‌لی وه‌هاب یاریده‌ده‌ری سه‌رۆكی زانكۆ بۆ كاروباری زانستی و خوێندنی باڵا و ڕاگری كۆلێجی كار و ژماره‌یه‌ك له‌ مامۆستایان و خوێندكاری به‌شه‌ زانسته‌كان، به‌ڕێوه‌به‌ڕێتی  پەیوەندییە نێودەوڵەتییەکانى زانکۆی چەرمو و به‌ڕێوبه‌رێتی دڵنیایی جۆری وۆركشۆپێكی زانستییان ڕێكخست.
 له‌ۆركشۆپه‌كه‌دا ئەنجامى دوو توێژینەوە لەسەر چۆنیه‌تی جێبەجێکردنى پرۆسەى بۆلۆنیا لە هەشت زانکۆى حکومى کوردستان وەک بەشێک لە ۆرک پاکێجى ٢ ى پڕۆژەى ئەپرایز خرانه‌ڕوو.

سه‌ره‌تا  دكتۆر پشتیوان فه‌ره‌ج به‌ڕێوبه‌ری به‌ڕیوه‌به‌ڕێتی پەیوەندییە نێودەوڵەتییەکانى زانکۆی چەرموو باسی له‌ گرنگی و ئامانجی پرۆژه‌كه‌ و زانكۆ كوردستانییه‌ به‌شداربووه‌كانی پرۆژه‌كه‌ كرد وهه‌روه‌ها به‌ ووردی باسی له‌ ئامانجه‌كانی توێژینه‌وه‌ی ڕاپرسی یه‌كه‌م كرد كه‌ به‌شداربووانی سه‌رۆكایه‌تی زانكۆكان و به‌ڕێوبه‌ری به‌ڕێوبه‌رایه‌تییه‌كانی زانكۆكان و ستافی ئه‌كادیمی هه‌شت زانكۆ كوردستانیه‌كه‌ی به‌شداربووی پرۆژه‌ی ئه‌پرایز بوون، به‌ڕێوبه‌ری پەیوەندییە نێودەوڵەتییەکان تیشكی خسته‌ سه‌ر ئه‌نجامی سه‌رجه‌م ته‌وه‌ره‌كانی توێژینه‌وه‌كه‌ و ڕای به‌شداربووان خرایه‌ڕوو.

له‌به‌شی دووه‌می وۆركشۆپه‌كه‌دا ڕاپرسی دووه‌م كه‌ تایبه‌ت بوو به‌ خوێندكارانی به‌شداربوو له‌ زانكۆكانی به‌شداربووی پرۆژه‌ی ئه‌پرایز ڕوونكرایه‌وه‌، له‌م به‌شه‌دا مامۆستا له‌نجه‌ عاصی  به‌ڕێوبه‌ری دڵنیایی جۆری زانكۆی چه‌رموو باسی له‌وه‌ كرد كه‌ به‌شداربوانی ئه‌م ڕاپرسیه‌ له‌ زانكۆی جیاواز و چه‌ندین به‌شی زانستی جیاوازبوون و به‌ڕاشكاوانه‌ ڕای خۆیان خستووه‌ته‌ڕوو له‌ سه‌ر بابه‌ته‌كانی چۆنیه‌تی په‌یڕه‌وكردنی پێواژووی بۆڵۆنیا له‌زانكۆكان، پرۆسه‌ی ڕیفۆرم له‌ خوێندنی باڵادا، ڕاده‌ی به‌ئاگایی خوێندكاران له‌ ورده‌كاری پرۆسه‌ی خوێندن، ڕۆڵی خوێندكار له‌به‌ره‌وپێشبردن و هه‌ڵسه‌نگاندنی زانكۆ و كۆلێژو به‌شه‌كانیان، ئاستی هاوكاریكردنی دارایی زانكۆكان بۆ خوێندكاران له‌ڕووی پێدانی سكۆڵه‌رشیپ و ناردنی خوێندكاران به‌ ده‌ره‌وه‌ی وڵات بۆ كۆرسی خوێندن.
به‌ پرسیار و گفتووگۆی ئاماده‌بووان كۆتایی به‌ وۆكشۆپه‌كه‌ هات 


ۆركشۆپه‌كه‌ ده‌وڵه‌مه‌ندتر كرا به‌ پرسیار و گفتوگۆی مامۆستایانی به‌شداربووی ۆركشۆپه‌كه‌.

Workshop: the implementation of Bologna Process among Eight Kurdish Public Universities
On Sunday 24-04-2022 with the presence of deputy president for Scientific and Higher Education Affairs, Assistant Professor Dr. Ali Wahab and Dr. Pshtiwan Faraj, Director of International Relations Office and Mrs. Lanja Assi Hayder, Director of Quality Assurance presented the finding of two research carried out on the status of the implementation of Bologna Process among Kurdish public universities.
The public universities who participated in the two study research and surveys are partners of APPRAIS project and is part of work package number 2 of the mentioned project.
Initially Dr. Pshtiwan Faraj highlighted the significance of Apprais project which aims to address governance, reform, accountability and the implementation of Bologna Process for Kurdish Partner universities. and then he presented the finding of the survey regarding the opinion and experience of staff, academics and senior and junior administrative staff at each university.
Followed by was the presentation of Mrs. Lanja Haydar who also presenting the finding of the survey for students at each respective university who participated in the survey.
The session was followed by questions and answers of the participants regarding the significance of Bologna Process, the opportunites and challenges, reform in higher education, the role of students in evaluating university, teachers, courses and models and the role of scholarships, mobility for student and staff as well.


Comments