پڕۆژەی سەرکردایەتی ژنان لە خوێندنی باڵادا : لە نێوان زانکۆی چەرموو و زانکۆی کاتانیای ئیتالیا و ئینستیتوتی فینلەندا

posted Dec 3, 2022, 3:42 AM by Pshtiwan Faraj Mohammed   [ updated Dec 3, 2022, 3:49 AM ]
ڕۆژی هەینی بەرواری 2\12\2022 بەڕێوەبەری پەیوەندیەنێودەوڵەیەکانی زانکۆی چەرموو د.پشتیوان فەرەج بەهاوکاری زانکۆی کاتانیای ئیتالی و ئینستیتوتی فینلەندا بۆ توێژینەوەى پەروەردەیی جیفاسکیلای فینلەندی وزانکۆی کوردستان لەئێران کۆبونەوەیەکیان بەشێوەی سەرهێڵ(ئۆنلاین) ئەنجامدا کە زیاتر لە دوو کاتژمێری خایاند بۆ پێشکەشکردنی پڕۆپۆزەڵی  پڕۆژەیەک بەناونیشانی سەرکردایەتیکردنی ژنان لە کەرتی خوێندنی باڵادا. 

لە ئێستایادا مینجە و پڕۆژەکانی فەندکردنى یەکێتی ئەوروپا کراوەیە و چەند زانکۆیەکی کوردستانی عێڕاق لەوانەش زانکۆی چەرموو و بەهاوکاری زانکۆی کوردستان لە ڕۆژهەڵاتی کوردستان لە ئێران و هاوکاری و هاوبەشی زانکۆی کاتانیا لە ئیتالیا سەرقاڵی ئامادەکردنی پڕۆژەیەکی چەند ساڵین لەبواری بەهێزکردنىی ژنانی سەرکردە لە بەڕێوەبردن و ئیدارەکردنی زانکۆکان ودواکات پۆ پێشکەشکردنی پڕۆژەکە بەرواری 16 ى شوباتی 2023 یە.
ئەم مینحەو فەند و هاوکاریانەی یەکێتی ئەوروپا بۆ ئەوەیە کە لەسەر ئاستی جیهان و ڕۆژهەڵاتی ناوین و ئەفریقا پێگەی ژنان بەهێز بکەن لە کەرتی خوێندی باڵادا.

پڕۆژەکە هێشتا لە قۆناغی هەڵسەندگاندانیە و ئەگەر بێت و براوە بێت ئەوا زانکۆی چەرموو دوو ۆرک پاکێجی ئەم پڕۆژەیە لە ئەستۆ دەگرێت ئەویش بە هاوبەشی و هاوکاریکردن لە گەڵ ڕێکخراوەکانى کۆمەڵگای مەدەنی بەتایبەتی ئەو ڕێکخراوانەی کە چالاکن لە بواری سەرکردایەتی کردنی ژنان لە سەرجەم کایەکانى کۆمەڵگادا.

زانکۆ سێ پایەی سەرەکی هەیە کە ئەوانیش وانەگوتنەوە, توێژینەوە و پەیامی سێیەمن. ئەم پڕۆژەیە تایبەتە بە پەیامی سێیەمی زانکۆکان کە بریتیە لە ڕۆڵی زانکۆ لە بەهێزکردنی کایەکانى کۆمەڵگا و لەوانەش کارکردن لەگەڵ ڕێکخراوە ناحکومیەکان بۆ بەهێزکردنی ئەو گروپ و چیانەنەی کەلە کۆمەڵگایا پەڕاوێزخراون لەوانەش ژنان و گەنجان.

بەهیوای ئەوەین ئەم پڕۆژەیە سەرکەوتوو بێت و ئامانجەکانی خۆی بەدەست بێتنێت لەوانەش ئامانجی بەهێزکردنی پێگە و ڕۆڵی ژنان لە بەڕێوەبردن و سەرکردایەتی کردنی کەرتی خوێندنی باڵادا.



Comments